आइटिएफ टेनिस डबल्समा कमल र उत्तमको जोडीलाई स्वर्ण

65
  • 26
    Shares

पोखरा,
नेपालका कमलबहादुर भण्डारी र उत्तमकुमार शेर्पाको जोडीले नेपाल आईटीएफ सिनियर्स वल्र्ड ¥याङकिङ टेनिस च्याम्पियनसिपको सर्किट– २ अन्तर्गत ४० वर्षमाथि पुरुष डबल्समा बिहीबार स्वर्ण जितेका छन् ।

नेपाल टेनिस संघद्वारा आयोजित प्रतियोगिताको फाइनलमा कमल र उत्तमको जोडीले अस्ट्रेलियाका रोबर्ट म्याकगुइगान र भारतक कल्याणराम श्रीनिभाषणको जोडीलाई ६–१, ०–६ र १०–२ को सेटमा पराजित गरे ।

पुरुष डबल्स ५५ वर्षमाथि भारतका कुलदीप सिंह र दिलिपसिंह नाङमाइथेमको जोडीले नेपालका उत्तमकुमार शेर्पा र मनोज राणाको जोडीलाई फाइनलमा ६–० र ७–५ को सोझो सेटमा हराउदै पहिलो भए । पुरुष डबल्स ५० वर्षमाथि भारतका सञ्जय कुमार र शंकर कृष्णस्वामीको जोडी च्याम्पियन बने । सातदोबाटोस्थित टेनिस कोर्टमा उक्त जोडीले फाइनलमा नेपालका प्रताप मोक्तान र भारतका तुलेश्वरसिंह थोङबामको जोडीलाई ६–४, ५–७ र १०–७ को सेटमा पाखा लगाए ।

कमलले नेपालका सिमान्त गुरुङसंग मिलेर भारतका इन्द्रकुमार सिंह खानगेम्बाम र तुलेश्वरको जोडीलाई ६–१, ५–४ र १४–१२ को सेटमा फाइनलमा पन्छ्याउदै पुरुष डबल्स ३५ वर्षमाथिको उपाधि पनि हात पारे ।

यसअघि सिंगल्सको पुरुष ५५ वर्षमाथि नेपालका कमल थापा, ६० वर्षमाथि अमेरिकाका एजेस छत्वाल, ५० वर्षमाथि भारतका तुलेश्वर, ४५ वर्षमाथि डेनमार्कका निकोलाई रास्त्रुप, ४० वर्षमाथि भारतका दीपक मार्वाहा तथा ३५ वर्षमाथि नेपालका आत्माराम कार्कीले स्वर्ण जितेका थिए । पुरुष डबल्स ४५ वर्षमाथि भारतका योगेश कोहली र शंकर कृष्णस्वामीको जोडी च्याम्पियन बनेका थिए ।

विजेतालाई आयोजक नेपाल टेनिस संघकी अध्यक्ष ज्योति राणाले एक कार्यक्रमबीच पुरस्कृत गरिन् । पाँचदिने प्रतियोगितामा नेपालसहित अस्ट्रेलिया, अमेरिका, डेनमार्क र भारतका ७६ खेलाडीले प्रतिस्पर्धा गरेको प्रतियोगिता निर्देशक एवं टेनिस संघका सदस्य अजय विष्टले जनाएका छन् ।

टेनिस टोली बैंकक जाने
आईटीएफ/एटीएफ यु–१४ डेभलोप्मेन्ट ट्रेनिङ क्याम्प–२ मा सहभागी हुन ३ लनटेनिस खेलाडी बिहीबार थाइल्यान्डको बैंकक जाने भएका छन् ।

अक्टोबर ५ देखि १२ तारिखसम्म हुने ट्रेनिङमा प्रसिद्ध मोक्तान, निमिशा ढकाल र अजा रेग्मीले सहभागिता जनाउने छन् । टोलीलाई नेपाल टेनिस संघका सदस्य अजय विष्टले बुधबार सातदोबाटोमा एक कार्यक्रमबीच बिदाइ गरे ।


  • 26
    Shares

प्रतिक्रिया

Please enter your comment!
Please enter your name here